Við leitum að starfsfólki sem býr yfir ríkri þjónustulund og hæfni í mannlegum samskiptum, því markmið okkar er að veita viðskiptavinum Toyota framúrskarandi þjónustu. Starfsmenn byggja gildi sín og viðmið í starfi á The Toyota Way: Stjórnunar-, þjónustu- og mannauðsstefnu Toyota.

Toyota á Íslandi er innflytjandi Toyota bifreiða, vara- og aukahluta. Toyota Kauptúni er umboðsaðili Toyota bifreiða, vara- og aukahluta á höfuðborgarsvæðinu. Gagnkvæm virðing og náin samvinna eru hornsteinar daglegrar starfsemi Toyota á Íslandi og Toyota Kauptúni. Hverri áskorun er tekið fagnandi og leita starfsmenn stöðugt leiða til að tryggja áframhaldandi framfarir í öllu því sem við kemur starfsemi fyrirtækisins og þjónustu gagnvart viðskiptavinum þess.

Toyota vill leggja sitt af mörkum til að stuðla að bættri líðan starfsfólks og býður meðal annars upp á:

Fríar bólusetningar
- Boðið er uppá bólusetningu gegn inflúensu einu sinni á ári.

Krabbameinsskoðun
- Toyota greiðir fyrir starfsfólk eina krabbameinsskoðun á ári.

Líkamsræktarstyrk
- Markmið styrksins er að starfsfólk sjái hvatningu í því að stunda holla og góða hreyfingu sem eykur líkur á betri líðan líkamlega og andlega.

Líkamsræktarsal
- Starfsfólk hefur aðgang að líkamsræktarsal Toyota ásamt búningsherbergi með sturtuaðstöðu.

Trúnaðarlækni
- Hlutverk trúnaðarlæknis er meðal annars að veita starfsfólki ráðgjöf varðandi egin heilsufarsvandamál og gæta hagsmuna starfsfólks.

Niðurgreiðslu á sálfræði og geðlækniskostnaði
- Toyota gefur starfsfólki sínu kost á að sækja tíma hjá sálfræðingi eða geðlækni ef upp koma aðstæður í lífi þeirra þar sem þeir þarfnast ráðgjafar faglærðs aðila.

VINNUVERND

JAFNRÉTTISSTEFNA

Jafnréttisstefna Toyota er byggð á gildum Toyota Way og styður við það markmið fyrirtækisins að vera eftirsóknarverður vinnustaður. Allir skulu hafa jöfn tækifæri til að nýta eigin atorku og þroska hæfileika sína óháð kyni. Í jafnréttisáætluninni eru sett fram markmið og aðgerðir sem lúta að ákvæðum jafnréttislaga sem varða innra starf fyrirtækisins.

Launajafnrétti
- Við ákvörðun launa skal haft að leiðarljósi að kynjum skuli ekki mismunað.  Þeim skulu greidd jöfn laun og njóta sömu kjara fyrir jafn verðmæt og sambærileg störf ef hæfni, starfsreynsla og menntun er sú sama.  Þau skulu einnig njóta sömu kjara hvað varðar þóknun, beina og óbeina.  Starfskjör sem metin eru til fjár eins og t.d. lífeyris-orlofs og veikindaréttur felur ekki í sér mismunun.       

Toyota á Íslandi hefur hlotið jafnlaunavottun skv. jafnlaunastaðli IST 85:2012

Laus störf, starfsþjálfun og starfsþróun
- Við ákvörðun stöðuveitinga í laus störf skal tryggt að umsækjendum sé ekki mismunað vegna kyns.  Allir umsækjendur hafa  jafnan rétt til vinnu hjá félögunum og skal ráðning ávallt ráðast af hæfasta umsækjandanum m.t.t hæfni, menntunar og reynslu.

Samræming á milli fjölskyldulífs og starfs
- Reynt skal eftir fremsta megni að mæta þörfum starfsfólks hvað varðar að samræma skyldur sínar gagnvart fjölskyldu og starfi með sveigjanleika á umsömdum vinnutíma, þar sem því verður við komið.  Taka skal tillit jafnt til fjölskylduaðstæðna starfsfólks sem og þarfa fyrirtækisins. 

Vellíðan á vinnustaðnum
- Toyota starfar eftir gildum The Toyota Way (Áskorun, Stöðugar framfarir, Þekkingarleit, Virðing og Samvinna) sem rammar inn vinnustaðamenningu félaganna.  Á vinnustaðnum skal ávallt komið fram við starfsfólk af virðingu og einnig skal starfsfólk sýna hvert öðru virðingu og kurteisi í samskiptum sem og viðskiptavinum Toyota. Einelti, ofbeldi, kynbundin áreitni og kynferðisleg áreitni verða undir engum kringumstæðum liðin á vinnustaðnum.

UMHVERFISSTEFNA

Við höfum einsett okkur að vera í fararbroddi fyrirtækja á sviði umhverfismála og til að ná því höfum við tekið upp ISO 14001 staðalinn fyrst bílaumboða hér á landi.

Boðorð okkar eru:

• Tökum tillit til umhverfismála í allri starfsemi okkar og vinnum í anda sjálfbærrar þróunar. Þannig stuðlum við að betra umhverfi. 
• Tryggjum að öllum lagakröfum á sviði umhverfismála verði fullnægt og munum setja okkur strangari kröfur þar sem við á. 
• Förum að kröfum ISO 14001 staðalsins og bætum stöðugt virkni umhverfisstjórnunarkerfisins. 
• Leggjum okkur fram við að efla umhverfisvitund starfsfólks og áhuga þeirra á mikilvægi umhverfismála með reglulegri þjálfun.
• Einsetjum okkur að vera í fararbroddi fyrirtækja í öryggis og umhverfismálum. 
• Leggjum áherslu á góða umgengni við umhverfið, endurnota og endurvinna það sem fellur til í rekstri eins og hægt er en farga öðru á viðeigandi hátt.
• Rýnum umhverfisstjórnkerfi okkar árlega og setjum okkur ný markmið í framhaldinu til að þróa og bæta umhverfismál okkar.
• Nýta rafrænar lausnir til að minnka notkun á pappír.
• Kolefnishlutlaus starfsemi Toyota - Við kolefnisjöfnum allan rekstur Toyota árlega eftir viðurkenndum aðferðum í samstarfi við Kolvið og Klappir
• Styðja við náttúrulegan fjölbreytileika svo sem endurheimt vistkerfa og skógrækt.
• Birta opinberlega upplýsingar um árangur í umhverfismálum og hvetja aðra til að taka af skarið í málaflokknum eins og viðskiptavini, birgja, nágranna og aðra hagsmunaraðila. 

Sem einn stærsti bílaframleiðandi heims telur Toyota það skyldu sína að þróa leiðir til að draga úr þeim áhrifum sem framleiðsla og bifreiðanotkun hefur í för með sér. Toyota hefur nú þegar brugðist við þeim umhverfisvanda sem við stöndum frammi fyrir með tvíþættum hætti. Annars vegar nýtir fyrirtækið sér þá þekkingu sem það býr yfir til að framleiða bíla sem minnka álagið á umhverfið og ganga ekki frekar á auðlindir jarðarinnar en orðið er. Hins vegar heldur fyrirtækið áfram þróun sinni á hátækni og rannsóknum á nýjum orkugjöfum sem nýtast munu komandi kynslóðum.